場地與設施 (Location & Facilities)
Q: KOFGYM 實體場地喺邊度？
A: 我哋嘅主場館位於 新蒲崗五芳街利景工業大廈，交通非常方便，距離港鐵站只需 3-5 分鐘路程。
Q: 場內有冇得沖涼同提供 Locker？上堂要帶咩？
A: 場內設有獨立更衣室、淋浴間及免費儲物櫃。上堂時請穿著合適嘅運動服裝及乾淨嘅室內運動鞋，並請自備飲用水及毛巾。(場地亦有飲品提供購買)
Q: 我可唔可以淨係畀月費自己上嚟操，唔買教練堂？
A: KOFGYM 目前係採用「私隱度極高嘅 PT Studio」模式運作，所有場地設施僅供預約咗教練堂嘅學員使用，暫時不設對外開放嘅純月費或 Walk-in 健身會籍。
Q: 我係 YouTube 觀眾，可唔可以上去 KOFGYM 參觀或者搵老闆影相打卡？
A: 多謝各位觀眾同粉絲嘅支持！但為咗保障上緊堂嘅學員享有最高私隱度同專注力，我哋場地謝絕任何未經預約嘅參觀或探訪。想見面嘅朋友敬請留意我哋 IG 公佈嘅公開活動！
私人教練服務 (PT Services)
Q: KOFGYM 私人教練堂收費點計？有冇得試堂？
A: 我哋提供專業嘅私人健身指導。首次體驗試堂收費為 $600。之後嘅常規課程分為 15堂 / 25堂 / 36堂 的堂數計劃，平均每堂低至 $700。詳細價錢可於預約試堂後，由教練根據你嘅目標為你講解。
Q: 我可唔可以同朋友 / 另一半兩個人一齊報名上堂 (1對2)？
A: 可以！我哋接受 1對2 上堂。如果想同朋友或者另一半一齊操，請先聯絡我哋 Admin 查詢 1對2 嘅相關收費及課堂安排。
Q: 購買常規課程之後，課堂有冇使用期限？
A: 有的，為咗確保你嘅訓練進度與最佳成效，15堂課程嘅有效期為 15 星期，如此類推（即平均一星期最少訓練一次）。
如因醫療原因、懷孕或特殊情況需要暫停，請提早聯絡我哋 Admin，我哋會配合提供最多一個月嘅延期安排。
所有課程一經確認及付款，恕不設退款服務。謝謝體諒！
Q: 點樣預約、取消或者改期上堂？
A: 首次試堂預約會由 Admin 統一安排時間；正式開始上堂後，學員可以直接與負責教練對接，彈性預約時間。如需取消或更改時間，請務必於上堂前最少 24 小時前聯絡負責教練或 Admin。
溫馨提示：由於教練時間已預留，如未能於 24 小時前通知，該堂課堂將會照常扣除並不設補堂，多謝大家體諒，希望一齊保持規律訓練！
Q: 我係完全零運動經驗嘅新手，適唔適合報名？
A: 絕對適合！我哋嘅教練會先透過試堂或咨詢了解你嘅身體狀況，再按你嘅目標（增肌、減脂、改善痛症等）度身訂造由淺入深嘅訓練計劃。新手反而可以由零建立最正確、最安全嘅發力姿勢。
Q: 買教練堂會唔會包埋飲食指導或者編排餐單？
A: 會的！訓練配合飲食先可以事半功倍。教練會根據你嘅生活習慣同訓練目標，提供專業嘅宏觀營養 (Macros) 建議同飲食指南，並會喺 WhatsApp 群組定時跟進你嘅飲食進度。
周邊產品與網店 (Merchandise & Payments)
Q: 買堂或者喺網店買嘢，支援咩付款方式？
A: 我哋支援多種付款方式，包括 FPS (轉數快)、PayMe 及銀行轉帳。如果你喺網店購買周亦支援信用卡 (Visa / Mastercard) 直接結帳。
Q: T-shirt 同健身用品有冇得去門市試身或直接買？
A: 由於場地主要作教學用途，所有周邊產品請直接於我哋網站 Catalog 下單。尺寸請嚴格參考網頁產品頁面提供嘅 Size Chart及產品資料。
Q: 買滿幾多錢包郵？幾耐會收到貨？
A:確認訂單及付款後，我哋會於3-7個工作天內寄出產品。（預購貨品除外） 所有貨物都會以**「順豐到付」**方式寄出。
Q: 產品 Size 唔啱可唔可以退換？
A: 所有貨品出門後不設退換。請大家購買前仔細核對 Size Chart ，謝謝體諒！
Q: 我住喺海外，買唔買到 KOFGYM 嘅 T-shirt 或周邊？
A: 暫時網店系統主要支援香港本地寄送。海外粉絲如果有興趣購買，請先 DM 我哋 IG 專頁或電郵至 Admin 查詢海外郵費報價。
商業合作 (Business Inquiries)
Q: 我代表品牌方，想搵Burger / KOFGYM IG/ YouTube Channel 合作或者落廣告，應該點聯絡？
A: 多謝支持！所有商業合作、產品贊助、拍攝邀請或宣傳報價，請直接填寫網站上嘅「商業合作表單」，或直接電郵至 kofgymmuscle@gmail.com。我哋嘅團隊會於 2 個工作天內回覆。